В Атырау
+1 
Қазақстанда электрмен жабдықтау тиімділігін арттыру мақсатында 2024 жылғы 1 сәуірде реформа жүргізіліп, нәтижесінде реттелмейтін энергиямен жабдықтау ұйымдары өз қызметін тоқтатты. Олардың қатарында «Атырау Энергосату» ЖШС де бар.
2024 жылғы 8 шілдеде Қазақстан Президенті «Жылу энергетикасы, электр энергетикасы және реттелетін қызметтер мәселелері жөніндегі кейбір заңнамалық актілерге өзгерістер мен толықтырулар енгізу туралы» ҚР Заңына қол қойды, оған сәйкес 2025 жылдан бастап бөлшек электрмен жабдықтау функцияларын электр энергетикасы туралы заңнаманың біліктілік талаптарына сәйкес келетін энергия беруші ұйымдар (ЭТҰ) ғана орындайтын болады.
Осы норманы жүзеге асыру аясында Табиғи монополияларды реттеу комитетінің департаменттері біліктілік талаптарына сай келетін 21 ЭТҰ-ға лицензия берді.
2025 жылдың 1 қаңтарынан бастап тұтынушыларға электр энергиясын жеткізуді «Атырау Жарық» АҚ жүзеге асырады.
«Бір компанияда электр энергиясын беру және жеткізу функцияларын біріктіру электр желісін басқаруды айтарлықтай жақсартады, оның тиімділігін арттырады, инфрақұрылым мен қызмет көрсету шығындарын азайтады және тұтынушыларды тұрақты және үздіксіз қамтамасыз етеді. Бұл тәсіл неғұрлым үйлесімді және жедел жүйені құруға мүмкіндік береді, бұл әсіресе энергияның өсіп келе жатқан қажеттіліктері жағдайында жеткізілімдердің сенімділігін қамтамасыз ету үшін өте маңызды», — делінген ҚР Табиғи монополияларды реттеу комитетінің баспасөз хабарламасында.
«АЖ» бұрынғы бас директор, қазір «Атырау Жарық» АҚ вице-президенті қызметін атқаратын Эльмира ИСЕМБЕРГЕНОВАҒА бірнеше сауал қойды.
— «Атырау Энергосату» ЖШС-нде қазіргі ахуал қандай?
— 2025 жылдың 1 қаңтарынан бастап Атырау облысының бөлшек сауда нарығындағы тұтынушыларды электрмен жабдықтау функциялары энергиямен жабдықтаушы ұйым «Атырау Энергосату» ЖШС-нен «Атырау Жарық» АҚ энергия тасымалдаушы ұйымына берілді.
«Атырау Энергосату» ЖШС жеткізілген электр энергиясының шотын 2024 жылдың желтоқсан айында берді. Әрі қарай ЖШС электр энергиясын жеткізетін жалғыз сатып алушы және басқа да қызмет көрсетушілер алдындағы төлем міндеттемелерін орындайды. Осымен кәсіпорын қызметі осымен аяқталады.
Нарыққа қатысушыларды лицензиялау және реттеу ашықтықты жақсартады, жосықсыз бәсекелестік тәуекелдерін азайтады және мемлекет бақылайтын әділ тарифтік саясат арқылы баға тұрақтылығын қамтамасыз етеді. Бұл энергетикалық нарықтың барлық қатысушылары үшін болжамды және әділ орта жасайды.
Сонымен қатар, бұл тәсілмен тұтынушылар өзара әрекеттесуді жеңілдететін және қызмет көрсетудің ыңғайлылығын арттыратын барлық мәселелерді шешу үшін бірыңғай операторға жүгіне алады. Мұндай қадам әкімшілік кедергілерді едәуір азайтады және пайдаланушылардың сұраныстарына жауап беру процесін жеделдетеді.
Бұл реформаны іске асыру инфрақұрылымды жаңғырту, азаматтардың мүдделерін қорғау және нарықтағы ашықтықты арттыру үшін жағдай жасай отырып, Қазақстанның энергетикалық секторын орнықты және ұзақ мерзімді дамытуға маңызды қадам болады. Бұл қызметтердің сапасын жақсартып қана қоймай, елдің энергетика саласын одан әрі жақсартуға негіз болады.
— «Атырау Жарыққа» қандай біліктілік талаптары қойылды?
— Энергиямен жабдықтау мақсатында электр энергиясын сатып алу қызметіне лицензия алу үшін қойылатын біліктілік талаптары - тұтынушылармен жұмысты қамтамасыз ететін персоналдың болуы – абоненттік қызметтер, учаскелер;
ұлттық электр желісіне тікелей технологиялық тұрғыда қосылатын кернеуі кемінде 4 класты (220, 110, 35, 20, 10, 6, 0,4 киловольт) электр желілерінің (кабельдік немесе әуе электр желілері) болуы;
кемінде отыз мың тікелей қосылған электр энергиясын тұтынушылардың болуы.
Жазып алған Мұрат СҰЛТАНҒАЛИЕВ