​​Қазақстанда екі судьяға ескерту жарияланды

Жоғарғы сот кеңесі жанындағы сот алқасы үш судьяға қатысты тәртіптік істерді қарады, - деп хабарлайды Tengrinews.kz.

Тыңдау нәтижесінде сот алқасы заңдылықты өрескел бұзғаны үшін екі судьяға ескерту жариялау түріндегі тәртіптік жаза қолданды.

"Бір судьяға қатысты тәртіптік іс оның жасаған тәртіптік теріс қылығының маңыздылығы аз болғандықтан тоқтатылды", - делінген хабарламада.

Сот алқасының шешімдері заңды күшіне енген жоқ, өйткені тәртіптік жазаға тартылған судьялар оларды Жоғарғы сот кеңесінде шағымдануға құқылы.