В Атырау
-2 
2024 жылғы 6 желтоқсанда «Бақты» - «Покиту» өткізу пунктінде уақытша жолаушылар өткелінің ашылу салтанаты өтті, деп хабарлайды Қаржы министрлігінің мемлекеттік кірістер комитеті.
Ашылу салтанатына ҚР ҚМ Мемлекеттік кірістер комитеті төрағасының орынбасары Бақытжан Слямов, ҚР Қытай Халық Республикасындағы елшілігі өкілдері, сондай-ақ Қазақстан мен Қытайдың өңірлік кеден және шекара қызметтері басшылары қатысты.
Б.Слямов өзінің құттықтау сөзінде уақытша жолаушылар өткелінің ашылуы қазақстан мен қытай өңірлері арасындағы мәдени-гуманитарлық, сауда және экономикалық алмасулар үшін жағдайларды жақсартуға бағытталғанын атап өтті.
Іс-шара шеңберінде төраға орынбасарының Тачэн округінің партком хатшысы Чжи Сяньвеймен екіжақты кездесуі өтті, онда тараптар 2025 жылы «Бақты» - «Покиту» өткізу пунктінің толық ашылу перспективаларын талқылады. Келіссөз барысында қазақстан-қытай шекарасындағы үшінші теміржол өткелінің құрылысы да қозғалды.
Сонымен қатар, кездесуге қатысушылар кедендік ресімдеуді ұдайы жетілдіру және осы өткізу пунктінде өткізу мүмкіндігін арттыру туралы уағдаласты. Ашылу салтанаты екіжақты қатынастарды одан әрі дамыту және қазақстан мен қытай арасындағы түрлі салалардағы ынтымақтастықты нығайту жолындағы маңызды қадам болды.