В Атырау 0 
Жаңартылған бағананың барлығы - 120 дана, онымен қоса электр желілері және трансформаторлық қосалқы станциясы толық ауыстырылды, деп хабарлайды Құрманғазы ауданы әкімдігінің баспасөз қызметі.
Бүгінде жоспар бойынша бағананы ауыстырудан бөлек 4 шақырымнан астам жоғары вольтты желілерді жаңарту, 250 кВа трансформатор орнату жұмыстары толықтай орындалды. Бұл жұмыстарды «КазстройРекурт» ЖСШ жүргізді.
Теңіз ауылының әкімі Қайсар МАҚСОТОВТЫҢ айтуынша, қазір «Атырау-Жарық» АҚ аудандық электр желілері қызметкерлері ауыл тұрғындарының жеке тұрғын үйлеріне қосып беру жұмысын жүргізіп жатыр.
- Мұндай күзгі-қысқы дайындық жұмыстары аясында аудандағы ауылдық округтерде ескірген электр бағаналарын кезең-кезеңімен жаңарту өз кезегінде электр бағаналарының ескіруі салдарынан желді, боранды күндері бағаналардың құлап, жарықтың жиі сөнуі, электр желісінің адам өміріне қауіп төндіруі сияқты жағдайлардың алдын алады, - деді Қ.Мақсотов.
Айта кетейік, Теңіз ауылдық округінде 1866 тұрғын бар.
Дайындаған Ләззат ҚАРАЖАНОВА