Қазақстанда жасөспірімдерге арналған алғашқы ЛГБТК сайты пайда болды

Ресурста жыныстық бағдарыңызды және гендерлік сәйкестікті қалай түсінуге болады, қалай достар табуға және қарым-қатынас жасауға болады, мектептегі қудалауды қалай жеңуге болады және қайдан қолдау мен көмек табуға болатындығы туралы ақпарат жинақталған.

Selftanu жобасын ЛГБТК белсендісі Саша КАЗАНЦЕВА және белсенді әрі контент-креатор Мүтәлі МОСКЕУ дайындаған.

А.Казанцева Балтық жағалауы елдерінде тұрады. М.Москеу – алматылық музыкант-диджей.

Ұйымдастырушылардың пікірінше, сайт ақпарат көзіне айналуы тиіс.

«Біз өзіміз ЛГБТК + жасөспірім едік, жас квир адамның қандай сұрақтарға тап болатынын және оларға жауап табу қаншалықты қиын екені есімізде. Сайтта жасөспірім (тек ол ғана емес) ЛГБТК+ жасөспірімдерге қатысты барлық мәселе бойынша пайдалы нұсқаулар таба алады », – делінген сайтта.

Ресурстан орыс немесе қазақ тілін таңдауға болады. Жобаның өзі туралы оның халықаралық ұйымдардың қолдауымен жасалғаны айтылады. ЛГБТК тақырыбындағы бүкіл материал белсенділердің, психологтардың, дәрігерлердің және басқа да мамандардың көмегімен дайындалғаны хабарланады. Атап айтқанда: Alma-Tq қазақстандық трансбастама, Edu Community – жеке, құқықтық және психологиялық даму және ЛГБТ қауымдастығын құру жобасы, Safe Space Almaty – ЛГБТ адамдарға арналған комьюнити орталық, Teenergizer Qazaqstan – АҚТҚ жұқтырған жасөспірімдерге және АИТВ-мен өмір сүріп жатқан адамдарға төзімді жасөспірімдерге арналған қозғалыс.

Анастасия ШЕРСТЯНКИНА