Доссорда отбасылық жанжалдан кейін ер адам өзін өртеп жіберді

Оқиға Доссор ауылында болған. Тұрмыстық жанжалдан кейін ер адам үстіне бензин құйып, өзін өртеп жіберген, деп хабарлайды облыстық полиция департаментінің баспасөз қызметі.

«13 қаңтарда сағат 16:45 шамасында Мақат аудандық полиция бөлімінің «102» арнасына Доссор ауылындағы Б.Аймағамбетов көшесінде орналасқан тұрғын үйлердің бірінің маңында 1961 жылы туған аудан тұрғынының өзін-өзі өртегені туралы хабарлама келіп түсті. Осы хабарлама бойынша азаматтың денесінің 70 пайызын күйік шалып, Атырау облыстық ауруханасына жеткізілгені анықталды», - деп хабарлады Атырау облыстық полиция департаментінен.

Аталған факті бойынша ҚР Қылмыстық кодексінің 105-бабы («Өзін-өзі өлтіруге дейін жеткізу») бойынша тергеу жүріп жатыр.