Атырауда өрт-тактикалық оқу-жаттығу өтті

Атырау облысы ТЖД қызметкерлері С.Өтебаев атындағы Атырау мұнай және газ университетінде өрт-тактикалық оқу-жаттығу өткізді, деп хабарлайды министрліктің баспасөз қызметі.

Басты мақсат – шартты өртті сөндіру кезінде өртке қарсы қызмет бөлімшелерінің жауынгерлік әзірлігін тәжірибе жүзінде пысықтау, нысанның тактикалық жағдайымен, оның конструкциясының ерекшеліктерімен танысу.

Оқу-жаттығу барысында шартты зардап шегушілерді құтқарып, адамдарды қауіпсіз жерге көшіріп, өртті сөндіру тактикасын пысықтады.