Өз өзіне қол жұмсамақ болған ер адам құтқарылды

2 желтоқсан күні сағат 22:23 шамасында 102 арнасына қала тұрғыны өз өзіне қол жұмсамақ болған ер адам жөнінде хабарлады, деп мәлімдейді полиция департаменті.

Оқиға орнына учаскелік полиция инспекторлары М. Нұғманов және Р.Ерсайын дереу жетіп, өз-өзіне қол жұмсамақ болған 2002 ж.т. қала тұрғынын құтқарды.

Ер адамды №1 қалалық полиция бөліміне жеткізіп, профилактикалық сұхбат жүргізілді. Аталған азаматтың жүйке аурулары есебінде тұрғаны анықталды. Процессуалдық шешім қабылдау үшін жедел-тергеу тобына тапсырылды.

Дайындаған Жомарт ӘМІРХАНОВ