Атырау қызылшаға қарсы вакцинаны күтіп отыр

Қазақстанға Үндістаннан келген қызылшаға қарсы 500 мың доза вакцинаның 39 мың дозасы Атырау облысына жіберіледі.

Естеріңізге салсақ, бұдан бұрын биыл қызылша ауруына қатысты қолайсыз эпидемиологиялық жағдай туралы хабарланған болатын. Бүгін Алматыға қосымша жаппай иммундау үшін қызылшаға, қызамыққа және паротитке (ККП) қарсы вакцинаның 500 мың дозалық партиясы келді, деп хабарлайды ҚР Денсаулық сақтау министрлігі.

Бас мемлекеттік санитариялық дәрігер егу мәртебесіне қарамастан, балаларға қызылша, қызамық және паротитке қарсы қосымша жаппай иммундау жүргізу туралы қаулыға қол қойды.

Вакциналау үшін Үндістанның «Serum Institute of India» өндірісі шығарған қызылша, қызамық және паротитке қарсы біріктірілген вакцина қолданылады. Бұл вакцинаның өндірісі шығарылатын вакциналардың сапасы мен қауіпсіздігіне кепілдік беретін ДДҰ қайта біліктілігінен өткен. Қызылшаға қарсы вакцина 60 жыл бойы қолданылып келеді және ауру ошақтарының таралуын тоқтату үшін ұсынылады, деп жазады ҚР Президенті жанындағы орталық коммуникациялар қызметі.

2023 жыл басталғалы ҚР-да қызылшаның барлығы 13103 жағдайы тіркелген, оның ішінде 83% (10864) 14 жасқа дейінгі балалар, 2,9% (385) жасөспірімдер және 14,1% ( 1854) ересектер. Қызылшамен ауырғандар барлық облыста тіркелді, жоғарғы деңгей Шымкент қаласында (2283 жағдай), Алматы қаласында (2217 жағдай), Жамбыл (1605 жағдай), Алматы (1215) және Атырау облыстарында ( 940 жағдай) байқалады.

Республикада екпе алмаған балалар есебінен қызылшамен сырқаттанушылық күрт өсіп отыр, олардың үлесі ауырған балалар санының 84%-ын немесе 9216 жағдайды құрады.

Анастасия ШЕРСТЯНКИНА