Атырау, 30 қыркүйек 12:31
 ашықВ Атырау +17
$ 479.23
€ 534.96
₽ 5.16

Елена Рыбакина Уимблдон турнирінің үшінші айналымына шықты

705 просмотра

Лондонда өтіп жатқан теннистен Уимблдон турнирінде қазақстандық Елена Рыбакина үшінші кезеңге өтті. Ол екінші айналымда франциялық Ализе Корнені ұтты, деп хабарлайды KAZ.NUR.KZ

Әлемнің үшінші, еліміздің бірінші ракеткасы саналатын Рыбакина қарсыласын 6:2, 7:6 есебімен жеңді. 

Бірінші партия Елена үшін айтарлықтай қиындық туғызған жоқ. Алайда екінші партияда Ализе қарқынын үдетіп, қазақстандық спортшы біраз қателік жіберді. 

Тіпті, екінші партияның ең ұзақ геймында Ализе Корне аяғын жарақаттап алып, дәрігерлер көмегіне жүгінді. Соған қарамастан франциялық спортшы атақты қарсыласынан қаймықпай, матчты тай-брейкке жеткізді.

Ал тай-брейкте Рыбакина 7:2 есебімен жеңіске жетті. 

Рыбакинаның үшінші айналымдағы қарсыласы әлі анықталған жоқ. Бүгін Уимблдон турнирінің үшінші кезеңіне қазақстандық Александр Бублик те өткен болатын. 


7 шілде 2023, 06:25

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.