В Атырау -10 
Шанхай ынтымақтастық ұйымы (ШЫҰ) сейсенбі күні Иранның қауымдастыққа мүше елдер қатарына кіруін ресми түрде жариялады, бұл шешім Үндістанның төрағалығымен өткен ұйымның 23-ші саммитінде қабылданды, деп хабарлайды ҚазАқпарат ресейлік ТАСС агенттігіне сілтеме жасап.
Иран мемлекетаралық бірлестіктің тоғызыншы мүшесі болды. 2022 жылдың қыркүйегінде Самарқандта өткен ШЫҰ-ның саммитінде Иранның ұйымға қосылуы туралы меморандумға қол қойылған.
ШЫҰ 2001 жылы 15 маусымда Шанхайда құрылған болатын. Алғашында ұйымға алты мемлекет – Қазақстан, Қытай, Қырғызстан, Ресей, Тәжікстан және Өзбекстан кірсе, 2017 жылы оларға Үндістан мен Пәкістан қосылды.
4 шілде 2023, 17:06