Францияның экс-президенті 3 жылға сотталды

2 095 просмотра

Францияның экс-президенті Николя Саркози үш жылға бас бостандығынан айырылды, - деп хабарлайды tengrinews.kz РИА Новости басылымына сілтеме жасап.

Париж соты Николя Саркозиді сыбайлас жемқорлық пен ықпал ету саудасы үшін айыпты деп тапты.

2014 жылғы жағдай бойынша "тыңдау ісін" қарау былтыр қарашада басталып, желтоқсанға дейін созылды.

Қаржы прокуратурасы 66 жастағы саясаткерді төрт жылға бас бостандығынан айыруды талап етті, олардың екеуі шартты түрде. Францияның бұрынғы президенті өзіне тағылған айыптарды жоққа шығарды. Сот процесі барысында ол ешқашан сыбайлас жемқорлық әрекетіне бармағанын және ешқашан қызметтік жағдайын асыра пайдаланбағанын мәлімдеді.

Саркози нақты мерзімге сотталған Францияның алғашқы экс-президенті болды.

1 наурыз 2021, 23:57

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.