​Масудов «Атырауға» қайта оралды

«Атырау» футбол командасының бас бапкері болып 58 жастағы қазақстандық маман Вахид МАСУДОВ тағайындалды.

«Атырау» ФК баспасөз қызметі хабарлағандай, Вахид Масудов – Жамбыл тумасы, ойын мансабын 80-жылдары алматылық «Қайрат» командасының капитаны әрі көшбасшысы ретінде бастап, әрі қарай «Тараз», «Жетісу», «Шахтёр», «Қайрат», «Ордабасы» командаларына бас бапкер болған.

Масудов бұдан бұрын «Атырау» командасының бас бапкері (2009-2010 ж.) ретінде жұмыс істеді. Оның жетекшілігімен команда өзінің алғашқы әрі бүгінгі күнге дейінгі бірден-бір жеңісін – 2009 жылғы Қазақстан Кубогын иеленген еді. Естеріңізге салсақ, өткен жылдың қыркүйегінде «Атырау» бас бапкері Сергей ПАВЛОВ отставкаға кетіп, оның міндетін осы кезге дейін Қуаныш ҚАБДОЛОВ атқарған болатын.

Фархат ӘБІЛОВ