Атырау облыстық төтенше жағдайлар жөніндегі департаменттің баспасөз қызметі хабарлағандай, 12 наурыз күні 18 сағат 40 минутта қала орталығында Сәтбаев даңғылындағы №36 үйдің жанындағы жерасты газ құбыры тұтанған.
«ОблТрансГаз» КМК бас директорының орынбасары Александр БАЛАКИННІҢ айтуынша, төтенше оқиға газшілердің келісімінсіз жер жұмыстарын бастап кеткен құрылыс фирмаларының бірінің қызметкерлерінің кінәсінен орын алған. Тұрбаға зақым келтіріп, тіпті газдың кетіп жатқанын байқамаған құрылысшылар көлік дөңгелегінің резіңкесін өртеп, мұз қатқан жерді жылыта бастаған. Бұл траншеяның тұтануына әкелген. Газшілер ықшам аудандағы газбен қамтуды ажыратып, бір сағат ішінде өрт салдарын жойды.
Мұрат СҰЛТАНҒАЛИЕВ