Атырауда астыртын покер клубы табылды

1 800 рет қаралды

ІІД ұйымдасқан қылмыспен күрес басқармасының қызметкерлері қаланың кіре берісіндегі мейманханадан покер клубын тапты.

Облыстық ІІД баспасөз қызметінің жетекшісі Гүлнәзира МҰХТАРОВАНЫҢ хабарлауынша, астрахандық және оралдық трассаның қиылысында орналасқан мейманханаға жедел топ қызметкерлері сау ете түскенде құмар ойыны қызып жатқан көрінеді. Орынжайдан покер ойынына арналған 5 үстел, екі мыңдай фишка, ойын карталары және 400 мың теңге мен 300 доллардай қолма-қол ақша табылды. Барлық заттай айғақтар, соның ішінде үстелдер тәркіленіп алынды. ҚР Қылмыстық Кодексінің 190-бабы (заңсыз кәсіпкерлік) бойынша қылмыстық іс қозғалды.

Мұрат СҰЛТАНҒАЛИЕВ

7 желтоқсан 2011, 20:43

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.