Еңбек демалысы төлемақыдан басталады

– Шілде айының соңында еңбек демалысына кетемін. Мен ҚР-дан тысқары шықпақпын. Еңбек демалысын төлеудің заңды тәртібі қандай? Жұмыс берушім мен еңбек демалысының төлемақысын келесі еңбекақы төленетін күні, яғни, тамыз айының басында ала алатынымды айтқан еді.

Телефон арқылы

«ҚР Еңбек кодексінің 105-бабына сәйкес, қызметкерге жұмыс істеген бірінші және келесі жылдары үшін жыл сайынғы ақылы еңбек демалысы тараптардың келісімі бойынша жұмыс жылының кез келген уақытында беріледі. Жыл сайынғы ақылы еңбек демалысы қызметкер мен жұмыс берушінің арасындағы келісім бойынша бөліктерге бөлінуі мүмкін. Жыл сайынғы еңбек демалысына ақы төлеу ол басталардан үш күнтізбелік күннен кешіктірілмей жүргізіледі».