Журналист Михаил КОЗАЧКОВ:
– Мен де бұған қуанып отырмын (Елена Рыбакинаның жеңісіне), бірақ легионерлерді ұлттық құрамаға шақыру – жетістікке жеткізбейді. Спорттың дамуына бұл еш әсер етпейді, өйткені спорт қызметкерлері өз спортшыларымызды тәрбиелеудің қажеті жоқ, Мәскеуден теннисшіні, Махачкаладан балуанды, Бразилиядан футзал ойыншысын әкеле салуға болатынына тағы да көз жеткізеді. Өз басым, қаржының өз балаларымызға бөлінгенін қолдаймын...
(Telegram-да айтылды)
ҚР премьер-министрінің орынбасары Ералы ТОҒЖАНОВ:
- Әзірге ол үшін ешқандай себебін көріп тұрған жоқпын. Сіздерге тағы да қайталап айтамын, әзірге ешқандай негіз жоқ.
(Астананың бұрынғы атауын қандай жағдайда кері қайтаруға болатыны жөнінде қойылған журналистердің сұрағына берген жауабынан)
ҚР Бас прокурорының орынбасары Әсет ШЫНДАЛИЕВ:
- Қаңтар оқиғасы кезінде 232 адам, азаптаудан кейін 6 адам қаза тапты.
(Мәжіліс сыртында қаңтар оқиғасы құрбандарына қатысты журналистердің сауалдарына жауап бергенде айтылды)
Қазақстан Президенті Қасым-Жомарт ТОҚАЕВ:
- Ресейде кейбіреулер осы жағдайдың бәрін бұрмалап, «Ресей Қазақстанды «құтқарды», енді Қазақстан мәңгілікке Ресейге «тағзым етіп, қызмет етуі» керек» дейді. Бұл мүлдем шындыққа жанаспайтын негізсіз пайымдау.
(«Россия 24» телеарнасына берген сұхбатында айтылды)
"Атамекен" Ұлттық кәсіпкерлер палатасының Агроөнеркәсіптік кешен және тамақ өнеркәсібі департаментінің директоры Ербол ЕСЕНЕЕВ:
- Қант өнеркәсібін дамыту туралы айтатын болсақ, біздің алғашқы бағдарламаларымыз тәуелсіз Қазақстанда 1993 жылы жасалған. Онда 10 жылға өзімізді қантпен 80 пайызға қамтамасыз етеміз делінген. Бірақ, өкінішке орай, бірде-бір бағдарлама орындалмаған және бұл бағдарламалардың орындалмағаны үшін ешкім жауапкершілікке тартылған жоқ.
(Қанттың бағасы қымбаттауына қатысты айтылды)
Қорғаныс министрі Руслан ЖАҚСЫЛЫҚОВ:
– Ең алдымен, жастардың өз-өзіне не себептен қол жұмсайтынын түсінуіміз керек. Бұған тек армия кінәлі емес қой... Ұлынан айырылған барша ата-анаға көңіл айтқым келеді. Алайда бізге дүниетанымы қалыптасқан, пісіп-жетілген жас сарбаздар келеді.
(Мәжіліс сыртында айтылды)
Қазақстанның бұрынғы президенті Нұрсұлтан НАЗАРБАЕВ:
- Егер туыстарымның бірі заңды бұзу үшін менің атымды жамылса, онда олар тиісті жазаға тартылуы керек. Оның кінәсі сотта дәлелденуге тиіс. Әр азамат заңды түрде қорғануға құқылы екенін ұмытпаған жөн.
(Саясаттанушы Данияр Әшімбаевқа берген сұхбатында айтылды)
Ұлттық экономика министрі Әлібек ҚУАНТЫРОВ:
– Біздің бүкіл мемлекеттік қарызымыз, оның ішінде сыртқы қарыз жалпы ішкі өнімнің 25 пайызынан аспайды. Оның 35-40 пайызы сыртқы қарыз. Бұл 25% барлық келісімге сәйкес келеді. Еуропада шекті деңгей – 60%, ЕАЭО шеңберінде – 50%. Яғни, біз сыртқы қарыз бойынша өзімізді толықтай ыңғайлы сезінеміз және мұны үнемі қадағалап отырамыз.
(Мәжілістен тыс журналистердің сауалына берген жауабында айтылды)
Саяси қайраткер Болат ӘБІЛОВ:
– Егер экономика саласында Еуразиялық одақ бізге тиімсіз болса, одан шығу керек. Одан ірі бизнес пен олигархтар зардап шекпейді. Халық қиналады, ШОБ қиналады. Егер әскери блок еліміздің қауіпсіздігін қамтамасыз ете алмай, елімізге қауіп төнсе, ҰҚШҰ-дан шығып, әскери ынтымақтастықты қайта қарап, түркі елдерімен жақындасуды ұсынамыз.
(Баспасөз мәслихатында айтылды)
Қазақстан Президенті Қасым-Жомарт ТОҚАЕВ:
– Президент ретінде ешқандай артықшылық пен жеңілдікке құмар емеспін. Мұндайды қаламаймын.
(Түркияға барған сапары кезінде айтылды)
Экология, геология және табиғи ресурстар министрі Серікқали БРЕКЕШЕВ:
- Пайдалы қазбаларды қарқынды өндіруге байланысты геология саласындағы ең басты мәселе – қордың орнын толтыру деңгейі төмен болып тұр. Орнын толтырмай, осы қарқынмен өндіре берсе, игеріліп жатқан кен орындарының көпшілігінде қор жақын арада сарқылады.
(Үкімет отырысында айтылды)
Энергетика министрі Болат АҚШОЛАҚОВ:
– Газ бағасы экспорт есебінен реттеліп отырды. Бірақ ішкі тұтыну көлемі артқанымен, газ сондай қарқынмен өндіріліп жатқан жоқ. Сондықтан экспорт көлемін азайтуға мәжбүрміз... Әрине, енді ішкі нарықтағы газ бағасын көтеру мәселесін ойластыру керек.
(Газ бағасына қатысты айтылды)
ҚР Қаржы министрі Ерұлан ЖАМАУБАЕВ:
– Бұрын банк несиелері жалпы ішкі өнімнің 50 пайызынан астамын құраса, қазір 40 пайыздан аз, 30 пайыздай болса керек. Базалық мөлшерлеме жоғары болғандықтан, біз үкімет ретінде экономиканың нақты секторын қолдауға мәжбүрміз: олар бұл ақшаны араластырып, экономиканы несиелеу үшін субсидиялауға, қорларымыздың жарғысын толықтыруға, Қазақстанның Даму банкіне қаражат бөлеміз.
(«2022-2024 жылдарға арналған республикалық бюджет туралы» Заңға өзгеріс енгізуді талқылау барысында айтылды)
«Bank Centercredit» басшысы Ғалым ҚҰСАЙЫНОВ:
– Бұл бағдарламалардан құрылыс компаниялары, құрылыс материалдарын импорттаушылар, сондай-ақ жақсы зейнетақы жинағы бар ауқатты және орта тап өкілдері пайда көрді. Нәтижесінде баспанасы барлар тағы үй сатып алды, ал баспанаға мұқтаждар әлі де ұзақ уақыт күтеді.
(Зейнетақы жинағының бір бөлігін тұрғын үй жағдайын жақсартуға пайдалану бағдарламасы туралы айтылған)
«Луговой жылқы зауыты» ЖШС директоры Әсемгүл АҚСАМБИЕВА:
– Біз 1,5 миллиард теңге көлеміндегі шығынды өндіріп алдық. Биыл наурыз айында бұл соманы бізге облыстық энергетика және ТКШ басқармасы төледі... Егер бүгінде 2018 жылы қырылған 101 тонна балығымыз бар болғанда, біз ірі уылдырық жеткізушілердің бірі болар едік.
(2018 жылғы желтоқсанда балықтың жаппай қырылуына байланысты келтірілген материалдық шығынды өндіріп алу бойынша облыс әкімдігімен соттасқаны жөнінде айтылды)
Petrocouncil мұнайгаз саласындағы стратегиялық әріптестікті дамыту кеңесінің төрағасы Асылбек ЖӘКИЕВ:
- «Қазмұнайгаздың» еншілес кәсіпорындарында, сол «ЕМГ»-да тендер рәсімдері ашық болуы керек, мұндай жайттардың алдын алатын қатаң қоғамдық бақылау болған жөн. Қазір «дербес құқылы» компаниялар жоқ. Біреулердің қамқорлығында болған ірі компаниялар да тендерге жалпы негізде қатысады.
(Мұнайсервис саласындағы «Самұрық-Қазына» АҚ-ның тендерлерін өткізуге қатысты айтылды)
ҚР Астық одағының ресми өкілі Евгений КАРАБАНОВ:
- Шаруаларды өз өнімін өткізу мүмкіндігінен айыруға біз мүдделі емеспіз. Бар астыққа қарап отыру - өліммен тең. Мұнымен келіспеу үшін ерік-жігер мен дәлел жеткілікті болады деп үміттенемін.
(Еуразиялық экономикалық комиссияның ЕАЭО аумағынан тыс жерлерге астық, күнбағыс және май экспортын жабу мүмкіндігін қарастыру ұсынысы туралы айтылды).
Саясаттанушы Досым СӘТПАЕВ:
– Президент жолдауы 2024 жылы өтетін президент сайлауына әзірлік секілді көрінді. Өйткені бұл қаңтар оқиғасынан кейін саяси тұрақтылықты сақтау тұрғысынан билікті қатты алаңдатып отыр.
(Президент Тоқаевтың Қазақстан халқына жолдауына қатысты айтылды)
Цифрлық даму, инновациялар және аэроғарыш өнеркәсібі вице-министрі Асхат ОРАЗБЕК:
- Бізге төнуі мүмкін деген қауіпті жан-жақты қарастырдық. Бірақ Қазақстанда интернетке қатысты күрделі проблемалар болмайтынына көзіміз жетті. Қазақстан интернетті тек Ресей арқылы алмайды. Яғни еліміздің интернеттен толықтай ажырап қалу қаупі жоқ.
(Ресейдің жаһандық желіден ықтимал ажыратылуы туралы журналистердің сұрағына берген жауабы)
Мәжіліс спикері Ерлан ҚОШАНОВ:
– Бұл Мәжіліс жоспарында жоқ. Неліктен оның күшін жоюымыз керек? Ол тарихи тұлға. Елбасының тарихи рөліне ешкім дауласпайды деп ойлаймын.
(«Тұңғыш президент» туралы заңды қайта қарау мүмкіндігі туралы журналистер сауалына берген жауабы)
Премьер-министрдің бірінші орынбасары Роман СКЛЯР:
– Жан-жақты ойластырылған шешім қабылданды. Автомобиль өнеркәсібін ынталандыру деңгейі көлік пен өндірілетін ауылшаруашылық техникасының барлық түріне утильалымды 50%-ға төмендетуге мүмкіндік береді.
("Хабар 24" телеарнасына берген сұхбатында айтылды)
Заңгер Джохар ӨТЕБЕКОВ:
- Бас прокуратура цифрларды бұрмалап отыр. Іс «қозғалды» деген сөз «тергеу жүргізіліп жатыр» дегенді білдірмейді. Бас прокуратураның порталын қарадым, көп іс жабылыпты. Прокуратура қанша полицейдің күдікті деп танылғанын, қаншасы қамауға алынғанын атаса жақсы болар еді. Ешқайсысына шара алынбады деп күдіктенемін.
(Қаңтар оқиғасынан кейін қозғалған азаптау бойынша қылмыстық істерге қатысты айтылды)
ҚР Президенті Қасым-Жомарт ТОҚАЕВ:
- Әлеуметтік желіде қазақстандық көліктердің көпшілігі дайын күйде келеді деген ақпарат үздіксіз таралуда. Тек дөңгелектерді бекіту ғана қалады дейді. Мұндай мәлімдемелердің қаншалықты шындыққа сай келетінін анықтау керек. Осыдан соң шара алу қажет.
(Үкіметтің кеңейтілген отырысында айтылды)
Мәжіліс депутаты Ерлан САИРОВ:
- Халықтың кедейлігі мемлекетке өте қымбатқа түскенін тәжірибе көрсетіп отыр. Ішкі жалпы өнімнің еселеп өсуіне қарамастан, Қазақстан ондаған жылдар бойы, кедейлік шегін көтермей келеді. Бүгінде Қазақстан күнкөріс деңгейі әлемдегі ең төмен елдердің бірі және Нигерия, Ангола, Венесуэла, Габон сияқты елдердің қатарында тұр.
(Премьер-министрдің орынбасары Ералы Тоғжановқа депутаттық сауалында айтылды)
Саясаттанушы Досым Сәтпаев:
– Қазақстанға мемлекеттік аппаратты жаппай тазарту және люстрация қажет.
(Қазақстандағы қаңтар оқиғасына қатысты айтылды)
Атырау тұрғыны Сергей ШУТОВ:
– Осылай азаптау әрекеттерін олар халықты митингіге шығу, азаматтық ұстанымын білдіру ниетінен айныту мақсатында жасады.
(«Динамо» спорт залында оны және ұсталған митингке қатысушыларды ұрып-соғу туралы)
ҚР Президенті Қасым-Жомарт Тоқаев:
- Тұңғыш Президент – Елбасының арқасында елімізде өте табысты компаниялар тобы және тіпті халықаралық өлшемдер бойынша да өте бай адамдар пайда болды. Енді олардың Қазақстан халқына құрмет көрсетіп, оған жүйелі және тұрақты түрде көмектесетін кезі жетті деп санаймын.
(ҚР Парламенті Мәжілісінің отырысында айтылды)
ҚР Президенті Қасым-Жомарт Тоқаев:
- Негізгі кінә үкімет пен «Қазмұнайгазда».
(Сұйытылған газ бағасының қымбаттауына байланысты
туған наразылыққа қатысты айтылды)
Қазақстанның стратегиялық жоспарлау және реформалар агенттігінің басшысы Қайрат КЕЛІМБЕТОВ:
- Негізінде Қазақстанның банк саласы өте табысты, онда миллиардтаған кіріс бар, бірақ олар ең басты нәрсе – экономиканы ұзақ және орташа мерзімге несиелеумен айналыспайды.
(Қазақстандағы банк дағдарысы туралы айтылды)
Ақтөбе облысының әкімі Оңдасын ОРАЗАЛИН:
-Фараондар заманынан бері билікті ешкім жақтырмайды... Қандай жақсылық жасаса да, бәрібір билікке жақсы ат жоқ.
(Өзіне айтылған сынға қатысты білдірген пікірі)
Атырау облысының әкімі Махамбет ДОСМҰХАМБЕТОВ:
- Әрине, Хаменованың ұсталғанын естігенде көңілім түсіп кетті. Дегенмен тергеу нәтижесін күтеміз.
(Өзінің орынбасары Б.Хаменованың ұсталғанына қатысты айтылды)
«Ақ жол» партиясынан сайланған мәжіліс депутаты Азамат ӘБІЛДАЕВ:
- Банк пен шағын несие беру мекемелері қарызын қайтарғанда ешқандай түсіністік танытпайды. Осындай кезде адам өзіне қол жұмсауға мәжбүр болады.
(Қаржылық қиындыққа тап болған азаматтардың несиесін кешіру үшін амнистия жариялау ұсынысына қатысты айтылды)
Экономист Олжас Құдайбергенов:
Көп балалы болу менталитетін жан-жақты қолдау керек, өйткені бұл сондай нәзік нәрсе. Үзілсе, кейін қайта қалпына келмейді.
(Facebook-тегі жеке парақша)
Н.Назарбаевтың кеңесшісі-баспасөз хатшысы Айдос ҮКІБАЙ:
– Nur Otan партиясы төрағасының өкілеттігін беру – билік транзитінің қисынды жалғасы ғана.
(Н.Назарбаевтың өзінің Nur Otan партиясы төрағасының өкілеттігін Президент Қасым-Жомарт Тоқаевқа беру туралы шешіміне қатысты айтылды)
ҚР Президенті Қасым-Жомарт Тоқаев:
- Егер қарыз алушының сатылған мүлкі негізгі борыш сомасын жаппаса, оның қалған берешегі есептен шығарылу тиіс.
(Банктің кепіл саясатын жетілдіру қажеттігіне қатысты айтылды)
В Атырау -1 