В Атырау
+4 
Астана ҰҚКД ғимаратына жақын жерде өртке оранып, жарылған автокөлікте қаза болғандар осы оқиға алдында дауыстап дұға оқыған көрінеді. Бұл жөнінде тілшімізге сол жерге жақын үйлердің тұрғындары айтқан.
«Жарылыс шамамен 3.30-да болды. Ал, одан жарты сағат бұрын көлік иелері далада дауыстап араб тілінде дұға оқыды. Оны біраз адам естіді», - дейді оқиғаға куә болғандардың бірі.
Бұдан бұрын хабарлағанымыздай, бүгін сағат 3-тен 37 минут кеткенде Астана қаласы ІІД жедел басқару орталығына Шыңтас тұйық көшесінің №6 үйіне жақын жердегі алаңқайда жарылыс болғаны туралы хабарлама түскен.
Оқиға орнынан «Ауди-100» маркалы автокөлік, еуропалық нәсілді екі ер адамның мәйіті табылған.
Құқық қорғау органдары бұны лаңкестік әрекет деп бағалауға әзірше негіз жоқ деп отыр.
Жарылыс фактісіне қатысты ҚР ҚК-нің 188 бабы бойынша қылмыстық іс қозғалды.
www.baq.kz