В Атырау +20.1 
Ақтауда тамақтан уланғаннан кейін жансақтау бөлімшесінде емделіп жатқан 9 жасар бала көз жұмды.
Lada.kz хабарлағандай, баланың қазасын оның туыстары растады. Олардың айтуынша, бала 6 қазанда көз жұмған.
Туыстары болған оқиғаны үйде салқын тәсілмен сүрленген балықтан уланумен байланыстырады, соны жегеннен кейін бала ауруханаға түскен.
Бұған дейін осы балықты жегеннен кейін үш ересек адам мен 9 жасар баланың ауруханаға түскені хабарланған еді. Барлығында ауыр ботулизм белгілері байқалған. Науқастар өкпені жасанды желдету аппараттарына қосылып, оларға ботулизмге қарсы екпе салынды.
Туыстарының айтуынша, ауруханаға түскен баланың әкесінің жағдайы тұрақталған. Отбасының тағы екі ересек мүшесі облыстық көпсалалы ауруханада емделуін жалғастырып жатыр.
Медициналық мекеменің өзі жағдайға қатысты пікір білдіруден бас тартты. Lada.kz бала өлімінің ресми себебін, улану мән-жайларын және көрсетілген медициналық көмек көлемін анықтау үшін Маңғыстау облыстық Денсаулық сақтау басқармасына сауал жолдады.