В Атырау +29.4 
Маңғыстау облысында үш ересек адам мен бір бала ботулизм белгілерімен ауруханаға жатқызылды. Төртеуінің де жағдайы ауыр, олар өкпені жасанды желдету аппаратына қосылған.
Бұл туралы Lada.kz сайтына облыстық денсаулық сақтау басқармасының бас штаттан тыс эпидемиологі Марал Қадыр хабарлады.
Оның айтуынша, зардап шеккендер 17 қыркүйекте отбасылық жиында үйде салқын тәсілмен нысталған балық жеген. Ол тоңазытқышта ұзақ уақыт бойы сақталған. Уланудың ықтимал көзі ретінде дәл осы балық қарастырылуда.
Алғашқы белгілер 18 қыркүйек күні кешке пайда болып, пациенттер медициналық көмекке келесі күні жүгінген. Оларда жүрек айну, құсу, әлсіздік, көру мен жұту функцияларының бұзылуы байқалған.
Мұнайлы ауданының үш ересек тұрғыны облыстық көпсалалы ауруханаға жатқызылды. Тоғыз жас он айлық бала облыстық балалар ауруханасына түсті.
Пациенттерге ботулизмге қарсы сарысу егілді. Олар тиісті емдеу курсын алуды жалғастыруда.