В Атырау +24.4 
Қазақстандық әлеуметтік желі сегментінде қолданушылар көркем фильмнен алынған кадрларды қазақстандық әскерге қатысты шынайы оқиғалар ретінде ұсынатын жазбалар қайта тарап жатыр.
Бұл туралы Қазақстан Президенті жанындағы ОҚК Дезинформацияға қарсы күрес орталығы хабарлады.
Орталықтың мәліметінше, осыған ұқсас фейк 2025 жылдың қыркүйегінде де тарап, ол кезде ресми түрде теріске шығарылған болатын. Арада бір жыл өткенде дәл сондай материалдар ақпараттық кеңістікте қайта пайда болды.
Атап айтқанда, Threads әлеуметтік желісінде қолданушылар «Қырғызфильм» киностудиясының «Баткен» фильмінен үзінділерді әскерге қатысты нақты кадрлар ретінде жариялауда.
Орталық өкілдері мұндай басылымдар қолданушыларды адастырып, әлеуметтік шиеленісті арттыруы мүмкін эмоционалды пікірлермен және үндеулермен сүйемелденіп отырғанын атап өтті.
Ведомство қазақстандықтарды фото мен видеоны таратпас бұрын олардың қайдан шыққанын тексеруге шақырды, сондай-ақ көрінеу жалған ақпарат таратқаны үшін заңды жауапкершілік бар екенін еске салды.