В Атырау +30.6 
Атырау облысында отбасылардың репродуктивті денсаулығын қолдауға бағытталған «Аңсаған сәби» арнайы бесжылдық бағдарламасы қорытындыланды. Жобаның 2021 жылдан 2025 жылға дейінгі жұмыс істеу кезеңінде өңірдің 1 088 тұрғыны экстракорпоралды ұрықтандыру (ЭКО) процедурасына тегін жолдама алды.
Мемлекеттік қолдау мен заманауи репродуктивті технологиялардың арқасында бағдарламаға қатысқан 394 әйел балалы болды.
Жылдар бойынша туу динамикасы төмендегідей:
- 2021 жыл — 77 әйел босанды;
- 2022 жыл — 65 әйел;
- 2023 жыл — 87 әйел;
- 2024 жыл — 89 әйел;
- 2025 жыл — 76 әйел.
Өткен жылы бесжылдық бағдарламаның ресми түрде аяқталғанына қарамастан, облыстық денсаулық сақтау басқармасы отбасыларды қолдау жалғасып жатқанына сендірді. Өңірде репродуктивті денсаулықты қорғау, бедеуліктің алдын алу және МӘМС қаражаты есебінен жоғары технологиялық медициналық көмектің қолжетімділігін арттыру бойынша жұмыстар тұрақты негізде жүргізіліп келеді.