В Атырау +21.2 
«Атырау» футбол клубы маусымның қалған бөлігін Түркістанда өткізуі мүмкін. Өз алаңындағы ойындарының ауыстырылуына жергілікті «Судоремонтник» стадионын реконструкциялау жұмыстарының созылып кетуі себеп болуы мүмкін, деп хабарлайды «Серый Cardinal» Telegram-арнасы.
Бастапқыда жөндеу жұмыстары қарқынды басталған еді. Биыл мамыр айында мердігер анықталып, жергілікті атқарушы органдардың өкілдері нысанды екі жарым айда — шамамен шілде айының соңына қарай аяқтауға уәде берген. Реконструкция барысы әлеуметтік желіде және салалық Telegram-арналарда белсенді түрде жарияланып тұрды.
Алайда нысан осы уақытқа дейін пайдалануға берілген жоқ. Бақылаушылар құрылыс қарқынының баяулауын өңір басшылығының ауысуымен байланыстырады.
Қазіргі қарқынды ескерсек, стадионның қыркүйек айында тапсырылуы үлкен күмән тудырады. Егер «Судоремонтник» таяу арада пайдалануға берілмесе, команда бүкіл маусымды өз жанкүйерлерінен жырақта өткізуге мәжбүр болады.