Атырау қалалық полиция бөлімінің бұрынғы бастығы уақытша ұстау изоляторына қамалды

Әңгіме Бақытбек Исаев туралы болып отыр. Бұл туралы „Ақ Жайық“ басылымының дереккөздері хабарлады.

Бар мәліметке сәйкес, оны бүгін уақытша ұстау изоляторына жеткізген. Алдағы күндері тергеу соты оған қатысты бұлтартпау шарасын - тергеу изоляторына жіберіле ме, әлде басқа шектеу түрі қолданыла ма, соны анықтайды.

Сонымен қатар, тағы екі жоғары лауазымды полиция қызметкері - облыстық есірткі қылмыстарына қарсы күрес басқармасының басшысы Әлішер Нұршаев және департаменттің ішкі қауіпсіздік басқармасының басшысы Саламат Қалиевқа қатысты бұлтартпау шарасын таңдау мәселесі қаралуда.

Бұған дейін «Ақ Жайық» басылымы хабарлағандай, іс есірткі заттарына байланысты қозғалған қылмыстық істегі айғақтарға қатысты.

Ресми органдар әзірге толық түсініктеме берген жоқ. Тергеу барысы нақтылануда.

Айгүл МАНСУРОВА