Маусымдық тұмау және пневмония: Қазақстанда өлім-жітім 5%-ға өсті

Қазан-қараша айларымен бірге Қазақстанда да тұмау мен өткір респираторлық аурулар белсенді бола бастады, деп хабарлайды EnergyProm.

Дүниежүзілік денсаулық сақтау ұйымының есептеріне қарағанда, жыл сайын әлемде 1 миллиард адам тұмаумен ауырады, оның 3–5 миллион жағдайы ауыр өтеді. Тұмаудан болатын тыныс жолдарының асқынулары салдарынан жыл сайын 290–650 мың адам көз жұмады. Ең осал топ – кішкентай балалар мен қарт адамдар.

Қазақстанда 2025 жылдың қаңтар-маусым айлары аралығында тұмау, ӨРА және пневмониядан 1,8 мың адам қайтыс болды. Бұл 2024 жылдың сол кезеңімен салыстырғанда 4,6%-ға көп. Барлық өлімнің 2,8%-ы осы ауруларға қатысты.

Аймақтар бойынша ең көп өлім солтүстік облыстарда болды, сонымен қатар Алматыда 241 адам, Қостанай мен Қарағандыда әрқайсысында 189 адам, Солтүстік Қазақстанда 139, Ақмола облысында 121 адам қайтыс болған. Ең аз көрсеткіш Түркістан облысында — 14 адам.

1 жасқа дейінгі балалар арасында өлім-жітім жоғары: 2024 жылы 6,7%, 2025 жылы 6,4% болды.

Мамандардың айтуынша, иммунитеті әлсіз немесе созылмалы ауруы бар адамдарда тұмау пневмонияға немесе басқа асқынуларға ұласып, өлімге әкелуі мүмкін.