Ақкөлде балалар-жасөспірімдер спорт мектебіне жаңа директор тағайындалды​

Ақкөл балалар-жасөспірімдер спорт мектебінің директоры қызметіне 40 жылдай тәжірибесі бар маман Ердешов Әдебиет Асылбекұлы тағайындалды.

Ол 1965 жылы Құрманғазы ауданында дүниеге келген. Еңбек жолын 1987 жылы Деңгіз аудандық спорт мектебінде футбол бөлімінің жаттықтырушысы болып бастап, кейіннен 1991–2014 жылдар аралығында дене шынықтыру пәнінің мұғалімі қызметін атқарды.

Соңғы он жылда Құрманғазы балалар-жасөспірімдер спорт мектебінің директоры қызметін атқарып, мекеменің дамуына және спорттық жетістіктерге қол жеткізуіне елеулі үлес қосты.

Енді Әдебиет Асылбекұлы Ақкөл мектебінде спортты дамыту және жас спортшыларды даярлау ісіне жетекшілік ететін болады.

Анастасия ШЕРСТЯНКИНА