Солтүстік Қазақстанды газдандыру мәселесі шешілген жоқ — CNPC және "Газпром" Моңғолияны таңдады

362 рет қаралды

Бүгінгі Бейжіңдегі келісімдер Ресей газы есебінен Қазақстанның солтүстік-шығысын газдандыру мәселесін шешпеді, деп жазады Нефть и газ Казахстана телеграм-арнасы.

CNPC және "Газпром" "Сила Сибири-2" газ құбырын салу туралы заңды күші бар меморандумға қол қойды. Бұл соғыс басталғаннан кейін еуропалық нарықтан айырылған "Газпромға" Қытайға (қолда бар "Сила Сибири" ескере отырып) жылына шамамен 100 миллиард текше метр табиғи газға дейін жеткізуге мүмкіндік береді.

Миллердің айтуынша, меморандум жаңа газ құбырын, сондай-ақ Моңғолия аумағы арқылы өтетін "Союз Восток" транзиттік газ құбырын салуды көздейді.

"Бұл жоба Ресейден Моңғолияға транзитпен жылына 50 миллиард текше метр газ жеткізуге мүмкіндік береді", - деп атап өтті ол.

Оның айтуынша, келісім 30 жылға есептелген. Газ құбыры бойынша жеткізілім бағасы Еуропаға қарағанда төмен болады, оны кейін қарастыру жоспарланып отыр деді Миллер.

Осылайша, Ресей үшін Қазақстан арқылы Қытайға транзитпен газ құбырын салудың қажеті жоқ. Негізі соның есебінен елдің солтүстік-шығыс өңірлерін газдандыру жоспарланған болатын. Енді жалғыз жол - әзірге қаражаты да, газ ресурсы да жоқ "Сарыарқа" газ құбырының II-III кезеңін іске асыру болып қалып отыр.

2 қыркүйек, 15:10

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.