В Атырау +2 
Самал ықшам ауданында 110/10 кВт қосалқы станциясының құрылысы жүріп жатыр. Жұмыстар өткен жылдың тамыз айында басталған, биыл қарашада бітеді деп жоспарланып отыр.
«Ақ Жайық» редакциясына пресс-тур барысында белгілі болғандай, нысанда әрқайсысы 16 МВт болатын екі трансформатор орнатылған (қосалқы станцияның жалпы қуаты – 32 МВт). Жоба құны – 3,7 млрд теңге, оның 2,9 млрд теңгесі игерілген. Қаржы республикалық және облыстық бюджеттен бөлінген. Мердігер – «Электромонтаж» АҚ Атырау қалалық филиалы.
Атырау облысы энергетика және тұрғын үй-коммуналдық шаруашылық басқармасы басшысы Айдулат Кенжебековтің сөзінше, жаңа қосалқы станция Самал-1, Самал-2 ықшам аудандарын, әуежай маңын, сондай-ақ жобаланатын тұрғын үй кешендері, әлеуметтік нысандар және Сарыөзек ауылын электр қуатымен қамтиды.
«Қосалқы станция электр желілерге әсіресе, күз-қыс мезгілінде түсетін жүктемені азайтады», - дейді ол.
Атыраулықтар қарашаны үмітпен асыға күтіп отыр.
Айнұр САПАРОВА