Атырауда көшені жөндеу кезінде мердігер мен қадағалаушы жауапқа тартылды

Атырау облысы Мемлекеттік сәулет-құрылыс бақылауы басқармасы хабарлағандай, «Атырау қаласының Махамбет көшесі мен Азаттық көшесі (Уалиханов көшесіне дейін) жолын орташа жөндеу жұмыстары» барысында құрылыс нормаларының бұзылғаны анықталды.

Құрылыс нормаларын бұзған мердігерлерге қатысты шаралар қабылданды:

• «Достық Спец Транс» ЖШС – құрылыс кезінде бұзушылықтар үшін ҚР Әкімшілік құқық бұзушылық туралы кодексінің 312-бабы 1-тармағы бойынша жауапкершілікке тартылды.

• «ИПЦ «Альянс» ЖШС – техникалық қадағалау міндетін тиісінше орындамағаны үшін ҚР Әкімшілік құқық бұзушылық туралы кодексінің 317-1-бабы 1-тармағы бойынша әкімшілік жауапкершілікке тартылды.

Бұл іс-қимылдар құрылыс сапасын қамтамасыз ету және жол нысандарының стандарттарға сай жасалуын бақылау мақсатында жүргізілді.