В Атырау +4 
«Самрұқ-Қазына» қорының баспасөз қызметі хабарлағандай, Әлібек Жамауов ҚР Ұлттық компаниясы «QazaqGaz» АҚ басқарма төрағасы болып тағайындалды.
«Самұрық-Қазына» қорының төрағасы Нұрлан Жақыпов ұлттық компания ұжымына жаңа басшыны таныстырды.
Жамауов бұған дейін Қазақстан Республикасының энергетика вице-министрі қызметін атқарған.
Ол 1981 жылы Атырауда дүниеге келген, Сүлеймен Демирел атындағы университет пен Қ.Сәтбаев атындағы Қазақ ұлттық техникалық университетін тәмамдаған.
Еңбек жолы:
2005 ж. – «Agip Kazakhstan Caspian Operating» компаниясында кіші кеңесші;
2006–2009 жж. – кеңесші, супервайзер, сол компанияда;
2009–2015 жж. – «Жамбыл Петролеум» ЖШС менеджері;
2015–2019 жж. – «Жамбыл Петролеум» ЖШС атқарушы директоры;
2019–2020 жж. – «PSA» ЖШС техникалық тобының жетекшісі;
2020–2023 жж. – «PSA» ЖШС бас директордың орынбасары.
Айта кетейік, ұлттық компанияның бұрынғы басшысы Санжар Жаркешов 2022 жылғы қаңтар оқиғаларынан кейін қызметке келген еді.