В Атырау +4 
Владимир Зеленскийдің Вашингтонға сапары алдында Дональд Трамп Украина Ресеймен соғысты НАТО-дан және Қырымды қайтарудан бас тарту арқылы аяқтай алатынын мәлімдеді, деп хабарлайды Би-би-си.
"Украина президенті Зеленский қаласа, Ресеймен соғысты дереу тоқтата алады немесе күресті жалғастыра алады. Бәрі қалай басталғанын еске түсіріңіз. Обама берген (12 жыл бұрын, бірде-бір оқ атпай!) Қырым қайтарылмайды — және УКРАИНА НАТО-ҒА КІРМЕЙДІ. Кейбір нәрселер ешқашан өзгермейді!!!" — деп жазды ол өзінің Truth Social әлеуметтік желісінде Украина басшысының Ақ үйге сапары қарсаңында.
Зеленскийді дүйсенбі күні Вашингтонға сапары кезінде Ұлыбритания, Италия, Германия, Франция және Финляндия басшылары, сондай-ақ НАТО Бас хатшысы және Еурокомиссия басшысы алып жүреді.
"Ертең Ақ үйде маңызды басқосу болады. Ешқашан бір уақытта сонша еуропа көшбасшылары бас қосқан емес. Оларды қабылдау мен үшін үлкен мәртебе", — деп жазды Трамп басқа хабарламасында.
CNN хабарлауынша, Трамптың мәлімдемесі Зеленскийдің Ақ үйдегі кездесу кезінде қандай қысымға тап болатын көрсетеді.
"Ол тізімдеген екі шарт — Украинаның Ресей 2014 жылы заңсыз аннексиялаған Қырымнан бас тартуы және оның НАТО-ға ешқашан кірмеуге келісуі — Владимир Путин соғысты тоқтату үшін ұсынған шарттардың қатарына кіреді", — деп жазады телекомпания.