В Атырау -3 
2025 жылдың басынан бері Қазақстанда электрондық темекі құрылғыларының заңсыз айналымымен күрес бойынша мақсатты жұмыс жүргізіліп келеді.
Қаржылық мониторинг агенттігінің мәліметі бойынша, вейптердің заңсыз айналымына қатысты 32 дерек тіркелді; 440 мыңнан астам бұйым тәркіленіп, жойылды; осы өнімдерді өндіруге арналған 6 бірлік жабдық алынды; тәркіленген өнімнің жалпы құны1,8 млрд теңгеден асты.
Тергеу нәтижесінде 14 адам қылмыстық жауапкершілікке тартылды.
Заңсыз қызмет Telegram, WhatsApp мессенджерлері және курьерлік қызметтер арқылы жүзеге асырылған. Түскен табыстар «дроптар» арқылы қолма-қол ақшаға айналдырылған.
Бұл өнімдердің негізгі тұтынушылары – жастар мен кәмелетке толмаған оқушылар екені алаңдатып отыр. Бұл заңсыз өнім өскелең ұрпақтың денсаулығына өте зиян.
ҚМА вейптерді заңсыз сатумен кім, қай жерде айналысып жатқандығы белгілі болса бей-жай қарамай, хабарлауды сұрайды.
Call-center: 1458 (кім хабарлағаны жария болмайды).