Жандос Шаймарданов Қазақстан стратегиялық зерттеулер институтының директоры болып тағайындалды.

Мемлекет басшысының өкімімен Жандос Нұрланұлы Шаймарданов Қазақстан Республикасы Президентінің жанындағы Қазақстанның стратегиялық зерттеулер институтының директоры лауазымына тағайындалды.

Жандос Шаймарданов 1987 жылы Шығыс Қазақстан облысында дүниеге келген.

Білімі: Ұлыбританиядағы Йорк университетін және Испаниядағы IE университетін тәмамдаған.

Еңбек жолы:

• 2009 жылы ҚР Экономика және жоспарлау министрлігінде бас сарапшы қызметінен еңбек жолын бастаған.

• 2010–2013 жж. – «Самұрық-Қазына» ҰӘҚ» АҚ-да менеджер.

• 2013–2014 жж. – ҚР Экономика және бюджеттік жоспарлау министрлігінің Мемлекеттің борышын басқару саясаты және қаржы секторының даму басқармасында бас сарапшы.

• 2014–2016 жж. – ҚР Ұлттық экономика министрлігінің Стратегиялық жоспарлау және талдау департаментінің директоры.

• 2016–2019 жж. – «Бәйтерек» ҰБХ» АҚ-да департамент директоры, басқарушы директор.

• 2019–2020 жж. – «QazTech Ventures» АҚ басқарма төрағасы.

• 2020–2022 жж. – ҚР Ұлттық Банкі Ақша-кредит саясаты департаментінің директоры.

• 2022–2023 жж. – ҚР Стратегиялық жоспарлау және реформалар агенттігінің Ұлттық статистика бюросының басшысы.

• 2023–2025 жж. – ҚР Стратегиялық жоспарлау және реформалар агенттігінің төрағасы.

• 2025 жылғы 14 мамырдан бастап – Қазақстан Республикасы Ұлттық экономика вице-министрі.

Сондай-ақ, Мемлекет басшысының өкімімен Еркін Валитханұлы Тұқымов атқарып отырған қызметінен босатылды.