Атыраулық әнші Санат Асуат «Голос Азербайджана» шоуының жартылай финалына өтті

Атыраудан шыққан талантты әнші Санат Асуат халықаралық «Голос Азербайджана» музыкалық жобасында сәтті өнер көрсетіп, жартылай финалға жолдама алды.

Ширек финалда ол қазақ тілінде «Ізін көрем» әнін орындап, қазылар алқасы мен көрермендердің ерекше ықыласына бөленді. Тіпті оның тәлімгері де шыдамай, әнге қосылып кеткен.

Бұл өнер көрсету музыканың халықтарды біріктіретін күшін және қазақстандық музыкалық мектептің халықаралық деңгейдегі ықпалын айқын көрсетті.

Бұған дейін Санат «Голос Азербайджана» жобасында үш қазыны өзіне қаратып, олардың таңданысын тудырған болатын.