В Атырау -2 
Қазақстандық Qazaq Air авиакомпаниясы ресми түрде VietJet Qazaqstan атауына ауысты. Бұл туралы Tengri Travel хабарлады.
Атауды өзгерту туралы келісім Қазақстан-Вьетнам іскерлік дөңгелек үстелінде жасалды. Бұл шараға Вьетнамның Бас хатшысы То Лам қатысып, мемлекеттік сапар аясында келісімге қол қойылды.
VietJet және Qazaq Air стратегиялық серіктестік орнату туралы ресми мәлімдеме жасады.
- Жаңа бренд – VietJet Qazaqstan іске қосылды.
- Маршруттық желіні кеңейту арқылы аймақтық көлік байланысы нығайтылады.
- Экономикалық өсудің жаңа нүктелері пайда болады.
Серіктестік аясында VietJet Qazaqstan авиапаркті кемінде 20 Boeing 737 ұшақтарымен толықтыруды жоспарлап отыр.
2024 жылдың мамырында белгілі болғандай, Qazaq Air-ді вьетнамдық Sovico Group сатып алды. Бұл шешім Қазақстан Президенті Қасым-Жомарт Тоқаев пен Sovico Group төрағасы Нгуен Тхань Хунгтың кездесуінде жарияланды.
Серіктестік аясында «Самұрық-Қазына» қоры әлі де 49% үлесті сақтап қалады. Алдағы 5 жыл ішінде қор қалған акцияларды жергілікті инвесторға немесе ұлттық меншік талаптарына сай консорциумға сатуға мүмкіндік алады.
Серіктестік келісімінің маңызды шарттарының бірі – Qazaq Air-дің 38 миллиард теңге көлеміндегі қарызын өтеу.
Бұл өзгерістер Қазақстан мен Вьетнам арасындағы экономикалық байланыстарды нығайтуға және аймақтағы авиация саласын дамытуға бағытталған.