АМӨЗ сайтында зауыттың бас директорының ауысуы мүмкін екені туралы хабарлама пайда болды

1 319 просмотра

Бүгін Атырау мұнай өңдеу зауытының ресми сайтында «AМӨЗ» ЖШС қатысушылардың кезектен тыс жалпы жиналысы шақырылып жатқаны туралы хабарлама жарияланды. Отырыс сырттай дауыс беру форматында өтеді, ал күн тәртібіне қарағанда, басшылық ауысуы мүмкін.

Жалпы жиналыстың қарауына аса маңызды бір мәселе шығарылды: АМӨЗ» ЖШС Бас директорының - Басқарма төрағасының өкілеттігін мерзімінен бұрын тоқтату, сайлау және өкілеттік мерзімін анықтау.

Осылайша, әңгіме зауыттың қазіргі басшысы Ғалымжан Жусанбаев туралы болып отыр. Ықтимал ротацияның себептері әзірге хабарланған жоқ. Алайда, мұндай хабарламаның ілінуі өзгерістер әзірленіп жатқанын көрсетеді.

Жарияланған ақпаратқа сәйкес, дауыс беруге арналған бюллетеньдер қатысушыларға 8 сәуірде беріледі. Дауыс беруге 9 сәуірден кешікпей сағат 16:00-ге дейін қатысу қажет.

Дайындаған Айнұр САПАРОВА

8 сәуір, 22:47

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.