Тоқаев Орталық сайлау комиссиясының екі мүшесін тағайындады

Мемлекет басшысы Қасым-Жомарт Тоқаев Қазақстан Орталық сайлау комиссиясының (ОСК) екі мүшесін қызметінен босатты, деп хабарлайды Ақорда.

"Сәбила Сапарқызы Мұстафина Қазақстан Республикасы Орталық сайлау комиссиясының мүшесі лауазымынан босатылды;

Константин Викторович Петров Қазақстан Республикасы Орталық сайлау комиссиясының мүшесі лауазымынан босатылды" делінген Жарлықта.

Мемлекет басшысының өзге де жарлықтарымен:

• Азамат Мақсотұлы Айманакумов Қазақстан Республикасы Орталық сайлау комиссиясының мүшесі лауазымына тағайындалды;
• Михаил Михайлович Бортник Қазақстан Республикасы Орталық сайлау комиссиясының мүшесі лауазымына тағайындалды.

Азамат Айманакумов бұған дейін Атырау облыстық сайлау комиссиясының төрағасы қызметін атқарған.