В Атырау
+24 
Қыркүйектен бастап адам папиллома вирусына қарсы қыздарға екпе салына бастайды. Жатыр мойны обырынан сақтанудың негізгі жолы – адам папиллома вирусына қарсы екпе алу. Бұл туралы облыстық онкологиялық диспансердің онко-гинекологы Жадыра ҚҰДАБАЕВА мәлім етті, - деп хабарлайды Өңірлік коммуникациялар қызметі.
- Дүниежүзілік ғалымдардың зерттеуіне сүйенсек, қатерлі ісікті тудырушы вирус адам паппиломасы екені дәлелденген. Айта кетейік, 2012-2013 жылдары бұл екпе облыста пилоттық жоба ретінде іске асты. Қазір, сол кезде екпе алған азаматшалардан аурудың белгілері анықталмады. Сондықтан, биыл қайта жоспарға енгізілді. Екпе салу жұмыстары оқушы қыздардың ата-анасының рұқсатымен жүргізіледі, - деді Ж.Құдабаева.
Анықтама үшін: облыста 560 әйел жатыр мойны обырымен есепте тұр. Соның ішіндегі 56 науқас соңғы алты айда тіркелген. Ал, өткен жылы осы аурудан 24 әйел қайтыс болған.