Атырау, 26 маусым 17:22
Кешке ашық+28, түнде +22
ҚР Ұлттық банкінің валюта бағамы: $ 378.83  € 430.99  P 6.04

Шетелге шықпайтындар

21 маусым 2013 11:47

Сурет www.info-tses.kz сайтынан алындыСурет www.info-tses.kz сайтынан алындыАтырау облысында бүгінде 4 мыңнан астам тұрғындардың шетелге шығуға құқығы жоқ. Түрлі қарыздары үшін олар сот шешімінен кейін «Бүркіт» ақпараттық жүйесінің базасына енгізілген болатын.

«Қара» тізімге алименттерін, міндетті салықтарды, жол қозғалысы ережелерін немесе қоғамдық тәртіпті бұзғаны үшін әкімшілік айыппұл төлемегендер, келісім-шарттар бойынша немесе қызметкерлердің (заңды тұлғалардың) еңбекақысы бойынша, сонымен қатар несиелер мен коммуналдық қызметтер бойынша бережақтары бар тұлғалар кіреді. Егер борышкер өз еркімен сот актісін немесе тиісті қаулыны орындаудан бас тартса, сот орындаушысы сот санкциясымен ол туралы мәліметтерді республикалық «Бүркіт – сот орындаушы» бірыңғай ақпараттық жүйесінің дерекқорына енгізеді. Жүйе бүкіл шекаралық бекеттерге, әуежайлар мен вокзалдарға орнатылған. Тізімге енгізілген Атырау облысының 4 мың тұрғынының жалпы бережақ сомасы – 6,5 млрд теңгеден астам.

Сот орындаушылары өндірісінде 25 мың атқару қағаздары бар, оның 15 мыңы айыппұл санкциялары бойынша, 5 мыңы – алимент төлемі бойынша, - дейді Атырау облыстық сот актілерін орындау департаментінің бастығы Қалдыбек САПАРОВ.

Тізімнен қарызын толық төлеп құтылғаннан кейін ғана шыға алады. Растайтын құжаттарды борышкер сот орындаушысына ұсынуы тиіс, содан кейін оған елден тысқары шығуға салынған тыйым жойылады.

Кейбір борышкерлер, олардың растауынша, тіпті өздерінің қазына алдында қарыздары бар екендігінен бейхабар болған. Мәселен, біреулері бірнеше жыл бұрын көлігін сенімхатпен сатқан, жаңа қожайыны қозғалтқыш қуаттылығына салық төлемеген. Ал дерекқорда машина әлі күнге дейін ескі қожайынының атында тұрады екен. Ұмыт қалған қарыздардың бар-жоқтығын ҚР Әділет министрлігінің сайтынан білуге болады.

Зульфия ИСКАЛИЕВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1444 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4 5