Атырау, 25 шілде 21:50
 ашықВ Атырау +20
$ 474.09
€ 514.01
₽ 5.48

Ақтауда теңіз жаяу әскерін құрметпен қарсы алды

753 просмотра
Сурет: gov.kz

Ақтау гарнизонының әскери қызметшілері тұрақты орналасу пунктіне оралды. Олар екі ай бойы Атырау облысындағы су тасқынына қарсы іс-шараларға қатысқан болатын, деп хабарлайды ҚР қорғаныс министрлігінің баспасөз қызметі. 

Теміржол вокзалында оларды гарнизон бастығы, әскери бөлімдердің командирлері, әріптестері, туыстары мен жақындары қарсы алды.

– Жеке өз атымнан және бүкіл әскери ұжымның атынан сіздерге зор алғысымды білдіремін. Табиғи апатпен күресте ешқандай қиындыққа қарамастан, берілген тапсырманы мүлтіксіз орындадыңыздар, – деді бригада командирі подполковник Азамат Сүлейменов.

Атқарылған жұмыстар жайында артиллериялық дивизионның штаб бастығы майор Марат Оразов егжей-тегжейлі айтып берді.

– Теңіз жаяу әскерлері екі ай бойы Махамбет ауданының Сарайшық, Есбол және Ақтоғай ауылдарын тасқын судан қорғауға қатысты. Олар бөгеттер салып, жергілікті тұрғындарды эвакуациялауға көмектесті. Әскери қызметшілердің күш-жігерінің арқасында көлемі 60 шақырым аумаққа жағалау бекіткіштері тұрғызылы. Бұл ретте күн сайын әскери қызметшілер 15 мың қапқа дейін құм толтырғанын атап өту керек, – деп нақтылады ол.

Іс-шара соңында ерекше көзге түскен әскери қызметшілер грамоталармен және бағалы сыйлықтармен марапатталды.


5 маусым, 10:32

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 700 672 70 30 нөміріне және editor@azh.kz поштасына жібере аласыз.