«Атырау – Орал» тас жолының 44-шақырымы жырылды

Ағысы қатты өр суының елдімекендерге қауіпін сейілту мақсатында  «Атырау – Орал» тас жолында  Сарайшықтан кейінгі  44-шақырымдағы жол жырылды, деп хабарлайды Атырау облысының ТЖ жөніндегі жедел штабы.

Қазіргі таңда Оралға жол жүретін автокөліктер Исатай ауданына қарасты Х.Ерғалиев ауылы арқылы  Махамбет ауданына шығып, әрі қарай «Атырау – Орал» тас жолымен қатынай алады. 

"Атырау - Индер" облыстық маңыздағы авто жолымен жүріп, Ортақшыл ауылы (Махамбет ауданы) тұсындағы көпір арқылы, әрі қарай «Атырау – Орал» тас жолымен қатынай алады.  

Махамбет ауданы мен Атырау қаласы аралығында қатынайтын автожүргізушілер   «Атырау - Индер» трассасымен, Ортақшыл селосы тұсындағы Махамбет көпірі арқылы қатынай алады. 

Нұрбейбіт НҰҒЫМАНОВ