В Атырау +6.9 
Ғалымдар мұрынның бітелуін тиімді емдейтін әрі жанама әсер ретінде бойды үйретіп алмайтын құрама назальды спрей дайындап шығарды. Жаңа препарат назальды тамшыларға жылдар бойы тәуелді болып келген миллиондаған адамға ем болуы мүмкін, деп хабарлайды medicalxpress.com.
Medical Xpress басылымының хабарлауынша, жаңа препараттың құрамына екі белсенді зат кірді: тамырды тарылтатын дәстүрлі оксиметазолин және қабынуға қарсы глюкокортикостероид будесонид.
Препараттың тиімділігін тексеру үшін созылмалы медикаментозды және аллергиялық ринитпен ауыратын 60 еріктінің қатысуымен жеті апталық клиникалық зерттеу жүргізілді. Сипаттамасы бойынша қатысушылар екі топқа бөлінді:
Бірінші топ: Жабдықталған жаңа құрама спрейді пайдаланды;
Екінші топ: Тек будесониді бар монопрепаратты қабылдады.
Төрт апталық емдеу курсынан кейін жаңа спрейді қолданған алғашқы топтағы пациенттердің 83 пайызы тыныс алудың айтарлықтай немесе толық жақсарғанын айтқан.
Ғылыми жаңалықтың басты ерекшелігі – зерттеуге қатысушылардың ешқайсысында «рикошет синдромы» (медикаментозды ринит) байқалмаған. Әдетте тамыр тарылтатын тамшыларды ұзақ пайдалану мұрынның кілегейлі қабығының қайтадан ісініп, аурудың асқынуына әкелетіні белгілі.
Зерттеу авторлары бұл қорытындылардың әзірге алдын ала алынған нәтиже екенін ескертеді. Жаңа препаратты нарыққа толық шығару үшін алдағы уақытта пациенттердің үлкен тобымен ұзақ мерзімді бақылау жұмыстары жүргізіледі.