"Атырау-Индер-Орал" автожолына өр суы шығып кетті

Бүгін, 13 мамырда сағат 09.45 - те Индербор-Орал бағыты бойынша сайларға жиналған тасқын су жергілікті маңызы бар автомобиль жолының 3-5 шақырымына  шығып кетті, деп хабарайды Атырау обоысының ТЖ жөніндегі жедел штабы.

- Осы учаскеде автокөліктің барлық түрлері үшін қозғалыс тоқтатылды. Орал қаласына баратын автокөлік жүргізушілері үшін Махамбет ауылы арқылы өтетін балама жол бар, - делінген хабарламада.

Айта кетейік, Индербор кентіне кіретін автомобиль жолының жалпы ұзындығы 7 шақырымды құрайды.