Атырау, 28 мамыр 15:38
 ашықВ Атырау +21
$ 442.84
€ 480.97
₽ 5.00

Индерборда балалар өрттен қаза тапты, ата-анасының жағдайы ауыр

Сурет
909 просмотра

2024 жылғы 25 сәуірде сағат 05:37 минутта Индер ауданы Индербор кенті Махамбет көшесіндегі 5 қабатты тұрғын үйлердің бірінде түтін шығып жатқаны туралы хабарлама түсті. 

Өрт сөндірушілер оқиға орнына жеткен кезде аталған мекен-жайдағы 5 қабатты тұрғын үйдің 2-ші қабатында орналасқан пәтердің толықтай жанып кеткенін анықтады.

Үйдің жатын бөлмесінен 2014 ж.т. және 2017 ж.т. балалардың өлі денелері табылды. 1995 ж.т. анасы мен 1994 ж.т. әкесі ес-түссіз күйде табылып, аудандық орталық аурухананың жансақтау бөліміне жедел жәрдеммен жеткізілді.

Қазіргі уақытта әйел адамның жағдайы аса ауыр жағдайда, денесін 90-95 пайыз күйік шалғаны белгілі. Ол Атырау облыстық ауруханасының жансақтау бөліміне санавиация арқылы жеткізілді.

Өрт сағат 06:02-де  оқшауланып, сағат 06:10-да  толықтай жойылды.

Өрттің шығу себебін анықтау мақсатында Атырау қаласынан өрт-зерттеу зертханасы жұмыс жасауда.

Индербор кентіндегі пәтер өртіне қатысты қылмыстық іс тіркеліп, тергеу амалдары жүргізіліп жатқаны белгілі болды Сот-медициналық сараптамасы тағайындалды. Жедел-іздестіру шаралары нәтижесінде 31 жастағы күдікті УҰИ-на қамауға алынды. 

Өзге ақпарат тергеу мүддесіне сәйкес жарияланбайды.

Ләззат ҚАРАЖАНОВА

25 сәуір, 14:51

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.