Қоғамдық көліктер жаға бекіту жұмыстарында жүрген халықты тасымалдап жүр

Әлеуметтік желіде тұрғындар «Авангард-Балықшы» ықшамаудандарына қатынайтын №12 маршруттың  соңғы кездері сирек жүріп жатқанына шағымданды. 

- Соңғы кезде №12 маршрут қайда кетті? Таңертең жұмысқа жете алмаймыз. №12 маршрут келгенше №14-тің төртеуі өтіп кетеді, - дейді тұрғын Әлия АМАНЖОЛОВА.

«Ақжайық» автопаркі хабарлағандай, қоғамдық көліктер жаға бекіту жұмыстарында жүрген халықты тасымалдап жүр.

«Төтенше жағдайдың орын алуына байланысты қоғамдық автобустар әскерилер мен басқа да саланың қызметкерлерін тасымалдауға жұмылдырылып отыр. Туындаған уақытша келеңсіздіктерге түсіністік танытуды сұраймыз» делінген автопарктің жауабында.

Нұрбейбіт НҰҒЫМАНОВ