Атырау тұрғындары қосымша арқылы өзен деңгейін бақылай алады

Қазақстанда hydropost.kz қосымшасы іске қосылды; оны App Store және Google Play-ден тегін жүктеп алуға болады.

Алматылық «Appetite Inc.» IT компаниясының баспасөз хатшысы Артемий ГАЛКИННІҢ айтуынша, қосымша «Қазгидромет» АҚ және Атырау облысы бойынша жедел штабпен бірлесіп әзірленген.

А.Галкиннің айтуынша, «Қазгидрометтің» ақпараты қосымшада күніне бір рет жаңартылатын графиктер түрінде көрсетіледі. Әзірге тек Атырау облысының өзендеріне қатысты мәліметтер бар.

«Қазіргі уақытта Қазақстанның ұлттық гидрометеорологиялық қызметімен елдің барлық басқа аймақтары бойынша ақпаратты енгізу бойынша келіссөздер жүргізілуде», - деп хабарлады компания.

Атырау облысының тізімде бірінші тұруының себебі - Appetite Inc. негізін қалаушы Рахат ҚҰЛЖІГІТОВТІҢ Атырау қаласының тумасы екені анықталды. Осылайша ол жерлестеріне облыстағы Жайық пен өзге де өзендердің өзгеру деңгейін бақылап, су басу қаупі төнген жағдайда қажетті сақтық шараларын қабылдауға мүмкіндік беріп, өз үлесін қосып отыр.

Қосымшада су басқан жағдайда не істеу керектігі туралы кеңестер мен нұсқаулар қамтылған бөлім де бар.

Анастасия ШЕРСТЯНКИНА