Атырау әкімі өмірден өтті - жалған ақпарат

ТЖ жөніндегі жедел штабтың жалған аккаунтында Атырау қаласының әкімі Шәкір КЕЙКИННІҢ кенеттен қайтыс болғаны туралы ақпарат шықты. 

Бұл ақпарат шындыққа жанаспайды. Әкім аман-сау, жақында жедел штабтың отырысына қатысып, қаладағы су тасқынына дайындық барысы туралы кезекті баяндама жасады, деп хабарлайды қала әкімдігі. 

- ТЖ режимі аясында жалған ақпарат таратқаны үшін құқық бұзушыға қылмыстық жауапкершілік жүктеледі. Қазіргі уақытта құқық қорғау органдары тиісті шараларды қолдану үшін Төтенше жағдайлар жөніндегі жедел штабтың атын жамылған жалған аккаунт иесін іздеумен айналысуда, - делінген хабарламада. 

Нұрбейбіт НҰҒЫМАНОВ