«Атырау-Жарық» АҚ тарифті көтеруге өтінім берді

Бұл туралы Табиғи монополияларды реттеу комитетінің Атырау облысы бойынша департаментінің тарифтер мен бағалар бөлімінің басшысы Арман РЗАҒАЛИЕВ мәлімдеді.

Энергетикалық компанияның қолданыстағы тарифі бір киловатт үшін 6,55 теңге болса, кәсіпорын өз өтінішінде оны 11,98 теңгеге дейін көтеруді ұсынып отыр. Себеп ретінде монополист өз кезегінде жабдықтың тозуын 39%-дан 0,05%-ға дейін төмендетуге бағытталған қосымша инвестициялық бағдарлама бойынша жұмсалған шығындарға сілтеме жасайды. Ақшаны алған соң электрмонтерлер ақаулы ТҚС мен КТҚС жөндеуді, сондай-ақ электр энергиясын коммерциялық есепке алудың автоматты жүйесін сатып алуды және орнатуды жоспарлап отыр.

24 сәуір күні сағат 11.00-де компанияның кеңсесінде электр энергетикасы компаниясының өтінімі бойынша қоғамдық тыңдау өтеді.

Мұрат СҰЛТАНҒАЛИЕВ