​"Доссор - Құлсары" жолы уақытша ашылды

14 сәуірде "Доссор - Құлсары" бағытында жол қатынасы уақытша ашылды, деп хабарлайды ТЖ жөніндегі Атырау облысының жедел штабы.

Еске сала кетсек, 4 сәуір күні Жем өзені арнасынан асып, Жылыой ауданында орын алған тасқын су Құлсары қаласына бағыт алатын Доссор-Құлсары тасжолын басып өткен еді.

Жөндеу жасалған учаскедегі уақытша жол қозғалысы патрульдік полиция ротасының үздіксіз бақылауында болады.  Тасқын судан соң жөнделген тасжол аумағында қозғалыс бір бағытта кезекпен реттеледі.