АҚШ-тың Луизиана штатында дауыл тұрып, тасқын жүрді

Әлемнің кейбір бөліктерінде тасқын су, дүлей дауыл жалғасып жатыр. АҚШ-тың Луизиана штатында дауыл тұрып, тасқын жүрді, деп хабарлайды qazaqstan.tv.

АҚШ-тың Луизиана штатында дүлей дауыл соғып, алапат су тасқыны жүрді. Табиғи апаттан әсіресе Жаңа Орлеан қаласы зардап шеккен. Мұнда жолдарды су шайып, көлік қатынасы қиындап кетті. АҚШ ұлттық ауа-райы қызметінің хабарлауынша, штаттың оңтүстігінде бірнеше мәрте құйын көтерілген. Жаңбыр мен дүлей дауыл бүгін басылуы мүмкін.